हिंदुहृदयसम्राट स्व. बाळासाहेब ठाकरे यांच्या नावाने ओळखली जाणारी गायमुख चौपाटी आज ठाण्यातील सर्वात सुंदर, शांत आणि लोकप्रिय सार्वजनिक ठिकाणांपैकी एक आहे. शांत जलकिनारा, स्वच्छ वातावरण आणि जवळील मंदिर यामुळे हे स्थळ कुटुंब, ज्येष्ठ नागरिकांसाठी लोकप्रिया ठिकाण बनले आहे. शहराच्या धावपळीपासून दूर शांतता शोधणाऱ्यांसाठी हे ठिकाण उत्तम पर्याय आहे. स्व. बाळासाहेब ठाकरे यांचे महाराष्ट्रातील जनतेशी असलेले भावनिक नाते आणि त्यांच्या प्रभावी कार्याचा हा चौपाटी स्वरूपात सन्मान आहे.
बाळासाहेब ठाकरे (1926–2012), शिवसेनेचे संस्थापक, महाराष्ट्राच्या राजकारणातील सर्वाधिक लोकप्रिय आणि प्रभावी नेत्यांपैकी एक मानले जातात. त्यांचे अमोघ वकृत्व, ज्वलंत विचार, ‘मराठी माणूस’साठी घेतलेली ठाम भूमिका आणि हिंदुत्वावरील निष्ठा यामुळे त्यांच्याबद्दल जनमानसात प्रचंड आदर होता. कोणताही संविधानिक पदभार नसतानाही त्यांनी अनेक दशकं राज्याच्या राजकारणाला दिशा दिली आणि त्यांचे विचार आजही नव्या पिढीला प्रेरणा देतात.
गायमुख चौपाटीचे विकासकार्य ठाण्यातील सार्वजनिक जलकिनारा क्षेत्र अधिक सुरक्षित, स्वच्छ आणि नागरिकांसाठी मैत्रीपूर्ण करण्याच्या उद्देशाने करण्यात आले. या प्रकल्पाला पुढे नेण्यासाठी आमदार श्री प्रताप सरनाईक यांनी सातत्यपूर्ण पाठपुरावा केला. परिसराच्या सौंदर्यीकरणातून तेथील पायाभूत सुविधा सुधारण्यावर भर दिला आहे. यासाठी श्री.प्रताप सरनाईक यांनी पुढाकार घेतला. आज या जागेचे चित्र पलटले असून उत्तम, निसर्गरम्य आणि सुव्यवस्थित स्थळ म्हणून गायमुख चौपाटीची ख्याती झाली आहे.
गायमुख चौपाटीची प्रमुख वैशिष्ट्ये
- ठाणे पश्चिमेतील गाईमुख गाव, घोडबंदर रोडलगत स्थित
- सुंदर सागरी किनारपट्टी (प्रोमेनेड), बसण्यासाठी व्यवस्था व शांत खाडीचे नयनरम्य दृश्य
- मंदिर परिसरात विकसित करण्यात आलेले सार्वजनिक व निसर्गरम्य विरंगुळ्याचे ठिकाण
- २०१९ साली उद्घाटन झाले असून आज हे लोकप्रिय स्थानिक पर्यटनस्थळ बनले आहे.
आज हिंदुहृदयसम्राट स्व. बाळासाहेब ठाकरे गायमुख चौपाटी हे केवळ एक पर्यटनस्थळ न राहता, बाळासाहेब ठाकरे यांचे विचार, सामर्थ्य आणि सांस्कृतिक अभिमानाला अर्पण केलेली भावनिक श्रद्धांजली म्हणून उभी आहे.
श्री. प्रताप सरनाईक यांच्यासारख्या लोकप्रतिनिधींच्या सातत्यपूर्ण प्रयत्नांमुळे हे ठिकाण आज ठाणेकरांसाठी चिंतन, विरंगुळा आणि सामुदायिक जीवनाचे एक आपुलकीचे व प्रेरणादायी केंद्र बनले आहे.
